قصاقيص عشـــاق

ِ

قصاقيص عشـــاق 

و ترن عليا وأنـا ف سابع نومه

علشان عايزاني أنيمها
اضحك .. و اقولها : وحشاني
تتاوب قبل ما اكلمها 

ولا أبدأ حتى بســلام

بقـى ده إسمـه كــلام 

واعرف منها انها سهرانـه
ومطبقة مش عارفة تنام
مع انها سمعت ف اغاني
و بتتفرج علي افلام

فببص ف ساعتي اللي ف أوضتى
واستغرب .. و أقول : يااااااااسلام ؟!

فجأة اوطي ف نبرة صوتي
وأقولها حواديت ف كلام
وووومع اول ( كان ) ف الحدوته
بلاقيها راحت فـ سابع نومه
زي البيبي ف احضان مامته .. 

 

وتروح مني ف سابع نومـه

وتسيبني أنا مش عارف انام !

سهــران بفكــر فـ أحلـى مـلاكـ